کیا فرماتے هیں علماۓ کرام اور مفتیانِ عظام اس مسئلے کے بارے میں کہ ایک ڈیلر ہے، ان کا اے جی ایس اوساکا بیٹریوں کا کاروبار ہے، اس نے کہا ہے کہ آپ همارے اس کام کے لیے مارکیٹنگ بروکری کریں، آپ کے ذریعے جتنے بھی گاہک آئیں گے اور مال لیں گے، آپ کو ایک فیصد منافع دوں گا، بعد میں وہ گاہک چاہے آپ سے رابطہ بھی نا کرے، براہِ راست هم سے رابطہ کرے اور وہ جب تک مال لیتا رہے گا، آپ کو هم ایک فیصد منافع دیتے رہیں گے، کیا اس طرح منافع شریعتِ محمدیہ کے موجب صحيح ہے؟
صورتِ مسئولہ میں جب تک گاہک سائل کے ذریعے مال لے تو اس کے لیے اجرت لینا حلال ہوگا، اور جب گاہک ڈیلر سے براہِ راست رابطہ کرکے مال لے تو سائل کے لیے نفع لینے کا حق نہیں ہوگا۔
لما في رد المحتار، كتاب الإجرة:
"(قوله: إن دلني إلخ) عبارة الأشباه إن دللتني. وفي البزازية والولوالجية: رجل ضل له شيء فقال: من دلني على كذا فهو على وجهين: إن قال ذلك على سبيل العموم بأن قال: من دلني فالإجارة باطلة؛ لأن الدلالة والإشارة ليست بعمل يستحق به الأجر".
[مطلب ضل له شيء فقال من دلني عليه فله كذا (6/95) سعيد]
فقط والله أعلم
فتوی نمبر : 144106200698
دارالافتاء : جامعہ علوم اسلامیہ علامہ محمد یوسف بنوری ٹاؤن
