سوال

 آج کل فروزن گوشت کا زمانہ ہے جو کہ اکثر بین الاقوامی فوڈ چین کا ہی مارکیٹ میں دست یاب ہے، اس کے اوپر حلال کا ٹیگ لگا ہوتا ہے، جب کہ ہمیں کوئی گارنٹی نہیں کہ یہ حلال ہے یا حرام؟  کیا ایسے گوشت کو کھایا جا سکتا ہے؟

جواب

گوشت مٰیں اصل حرمت ہے؛  اس لیےغیر مسلم ممالک سے درآمد شدہ گوشت کی  جب تک کسی مستند ادارے سے حلال ہونے کی  تصدیق نہ ہوجائے اس کا استعمال کرنا درست نہیں،  ڈبہ پر حلال کا ٹیگ اس تصدیق کےلیے کافی نہیں ہے ۔

شرح الحموی علی الاشباہ والنظائر میں ہے :

’’إن یجد شاةً مذبوحةً في بلد فیها مسلمون ومجوس فلاتحل حتی يعلم أنها مذكاة مسلم؛ لأنهما أصل حرام، وشككنا في الزكاة المبيحة، فلو كان الغالب فيها المسلمون جاز الأكل عملًا لغالب المفيد للطهورية‘‘. (143 ج 1 ط: إدارة القرآن) فقط واللہ اعلم