سوال

آج کل سر کے بالوں کو رنگ لگایا جاتاہے، رنگ ساز ایک سال تک رنگ نہ اترنے کی گارنٹی دیتے ہیں اور واقعی میں یہ رنگ عرصہ دراز تک بالوں پر قائم رہتا ہے، آیا اس طرح سے بالوں کو رنگوانایاڈائی کروانا شرعی اعتبار سے ٹھیک ہے؟

جواب

خالص سیاہ رنگ کے علاوہ کسی بھی رنگ سے بالوں کو رنگوانا یا ڈائی کرانا جائز ہے،بشرطیکہ رنگ ایسی تہ والا نہ ہو جو بالوں تک پانی پہنچنے سے مانع ہو۔ خواہ رنگ اور ڈائی کا اثر کچھ عرصہ رہے یا طویل عرصہ، دونوں کا حکم یکساں ہے۔فقط واللہ اعلم