ATM مشین آفس میں لگانا کیسا ہے؟
اے ٹی ایم مشین درحقیقت عوام کی محفوظ رقوم ان تک پہچانے کا ذریعہ ہے جس پر بینک سروس چارجز کے نام پر کچھ رقم وصول کرتا ہے ، اس سروس سے فائدہ اٹھانا شرعاً جائز ہے؛ لہذا مذکوہ مشین نصب کرنے کی اجازت ہے ۔ البتہ بینک کا طریقۂ تمویل سود سے خالی نہیں ہے اس وجہ سے اس تنصیب کی بنا پر بینک سے کرایہ وصول کرنا حلال نہیں ہوگا۔ فقط واللہ اعلم
فتوی نمبر : 143909202226
دارالافتاء : جامعہ علوم اسلامیہ علامہ محمد یوسف بنوری ٹاؤن