این جی او والے کے ساتھ نوکری کرنا جائز ہے یا نا جائز؟
اگر آپ کے سوال کا مطلب یہ ہے کہ این جی او والوں کے لیے یا ان کے ادارے میں نوکری کرنا کیسا ہے؟ تو اس سوال کے جواب کے لیے یہ دیکھنا ہوگا کہ کمپنی ملازم سے کا م کیا لیتی ہے؟ نیز این جی او کے اغراض ومقاصد کا بھی تنخواہ پر اثر پڑتا ہے، لہذا اگر ملازم کمپنی میں خلافِ شریعت کام نہیں کرتا اور اس این جی او کے پسِ پردہ مقاصد اسلام کے خلاف نہیں تو اس میں کی گئی نوکری اور اس سےحاصل ہونے والی تنخواہ حلال ہے، لیکن اگر ملازم کا کام شرعی نقطہ نظر سے جائز نہیں تھا تو حاصل ہونےہوالی تنخواہ حرام ہے، اب تک جتنی رقم لی ہے ثواب کی نیت کے بغیرصدقہ کردے، اسی طرح اگر این جی او مقاصدِ شریعت کے خلاف کام کررہی ہو تو بھی اس میں ملازمت کرنا جائز نہیں ہوگا. فقط واللہ اعلم
فتوی نمبر : 144104200204
دارالافتاء : جامعہ علوم اسلامیہ علامہ محمد یوسف بنوری ٹاؤن