کیا ایک مسلمان کسی اہلِ کتاب عورت سے اس کو مسلمان کیے بغیر نکاح کرسکتا ہے؟
اہلِ کتاب عورت سے نکاح اس وقت جائزہے جب وہ حقیقتاً آسمانی کتاب کو ماننے والی اور اس کی تابع دارہو،دھریے نہ ہو۔ فی زمانہ یہودونصاریٰ کی اکثریت آسمانی کتاب سے کوئی تعلق نہیں رکھتی، لہذا جب تک تحقیق سےکسی عورت کا اہلِ کتاب ہونا ثابت نہ ہوجائے مسلمان مرد کا نکاح اس کے ساتھ جائزنہیں۔اورتحقیق سے کسی عورت کا اہل کتاب ہونا ثابت ہوجانے کے بعد بھی اگرچہ اس کے ساتھ مسلمان مرد کا نکاح جائزہے، تاہم چندمفاسد کی وجہ سے مکروہ ہے۔حضرت عمررضی اللہ عنہ نے اپنے دورمبارک میں اس پرسخت ناراضگی کااظہارفرمایاتھا۔فقط واللہ اعلم
فتوی نمبر : 143901200087
دارالافتاء : جامعہ علوم اسلامیہ علامہ محمد یوسف بنوری ٹاؤن