اگر ایک مسجد میں امامِ مسجد پابندی سے نماز پڑھنے نہیں آتا اور مجبوراً کبھی ایک کے پیچھے اور کبھی دوسرے کے پیچھے نماز پڑھنا ہوتی ہے۔ کیا اس مسجد میں نمازِ جمعہ ہوتاہے؟ اور اس امام کے پیچھے نماز پڑھنا کیسا ہے؟
جمعہ کی نماز صحیح ہونے کی شرائط میں یہ شرط نہیں ہے کہ اس مسجد میں پابندی سے ایک امام نماز پڑھاتے ہوں؛ اس لیے اگر آپ کی مسجد میں امام صاحب پابندی سے نماز پڑھانے نہیں آ پاتے اور لوگ امام صاحب کے علاوہ دیگر ائمہ کی اقتدا میں نماز پڑھتے ہیں تو اس کی وجہ سے جمعہ کی نماز کی صحت پر کوئی اثر نہیں پڑے گا، اس مسجد میں ان ہی امام صاحب کی اقتدا میں جمعہ کی نماز ادا کرنا بالکل درست ہے. فقط واللہ اعلم
فتوی نمبر : 144105200236
دارالافتاء : جامعہ علوم اسلامیہ علامہ محمد یوسف بنوری ٹاؤن