سوال

میں بذریعہ انٹرنیٹ انگلش سیکھنا چاہتا ہوں، اس کے لیے پلے اسٹور میں اپنی ایپلیکشن ہوتی ہیں، جس میں سننے کی پریکٹس ہوتی ہے،ان ایپلی کشن میں عورتوں کی آواز بغیر تصویر کےہوتی ہے،کیا انگلش سیکھنے کے لیے میں یہ ایپلیکشن استعمال کرسکتا ہوں؟

جواب

نامحرم عورت کی آواز کے ستر ہونے میں اِختلاف ہے، مگر صحیح یہ ہے کہ وہ ستر نہیں، لیکن عوارض کی وجہ سے بعض جائز اُمور کا ناجائز ہوجانا فقہ میں معروف و مشہور ہے،  اِس لیے عورت کی آواز سے اگر لذت محسوس ہوتی ہو  یا فتنہ میں پڑنے کا اندیشہ ہو تو  عورت کی آواز کا سننا جائز نہ ہوگا ۔(امداد الفتاوی)

اب آپ دیکھ لیجیے کہ ایپلی کیشن میں عورت کی آواز کی نوعیت کیا ہے، اسی کے اعتبار سے حکم ہوگا۔  فقط واللہ اعلم