اگر کوئی امانت رکھوائے اور رکھنے والا اس کو استعمال کرکے بوقتِ ضرورت صحیح اور مکمل ادا کردے ، اس میں کوئی حرج تو نہیں؟
امانت کی رقم کا مالک کی اجازت کے بغیر ذاتی استعمال میں لانا امانت میں خیانت اور ناجائز ہے، البتہ مالک کی اجازت سے اس کو استعمال کیا جاسکتا ہے، اور امانت کی رقم اگر استعمال کرلی تو یہ امانت کے حکم سے نکل جائے گی، اور مضمون ہوجائے گی، یعنی اگر ہلاک ہوگئی تو پھر اس کا ضمان لازم آئے گا۔ فقط واللہ اعلم
فتوی نمبر : 144107200185
دارالافتاء : جامعہ علوم اسلامیہ علامہ محمد یوسف بنوری ٹاؤن