ہمارے گاؤں میں ایک سرکاری ہائیرسیکنڈری سکول ہے، وہاں کے ٹیچرز حضرات سکول کے بچوں سے ایک ایک لکڑی منگواتے ہیں اور پھر ان لکڑیوں سے پانی گرم کرکے وضو کرکے نماز پڑھتے ہیں، کیا یہ عمل شریعت کی رو سے درست ہے؟
صورتِ مسئولہ میں لکڑیاں لانے والے طلبہ بالغ ہوں، اور بغیر کسی جبر و اکراہ کے، محض ترغیب دینے پر اپنی خوشی سے ایسی لکڑیاں لاکر اپنے اساتذہ کو دیتے ہوں جو ان کی مملوکہ ہوں، خواہ والدین نے دی ہوں یا جنگل سے کاٹ کر لائے ہوں، یا اپنے پیسے سے خرید کر لائے ہوں، اور نہ لانے والے طلبہ کی سرزنش نہ کی جاتی ہو تو ایسی صورت میں حاصل کردہ لکڑیوں کو جلا کر پانی گرم کرکے اس سے اساتذہ کے لیے وضو کرنا جائز ہوگا، بصورتِ دیگر جائز نہ ہوگا۔ فقط واللہ اعلم
فتوی نمبر : 144106200020
دارالافتاء : جامعہ علوم اسلامیہ علامہ محمد یوسف بنوری ٹاؤن