isma نام رکھنا درست ہے اور یہ نام صحابیہ کا بھی ہے ؟
اس نام کا درست تلفظ ”اَسماء“ (ہمزہ کے زبر کے ساتھ) "ASMA" ہے، اس کےمعنی ہیں: ’’بلند‘‘ اور ’’بہت سے نام‘‘۔ یہ کئی صحابیات رضی اللہ عنہن کانام ہے، یہ نام رکھنا اچھا ہے۔
اور اگر آپ کا اس نام سے مراد : عصمہ (عِصمَة: Esmah) ہو تو یہ بھی صحابیہ کا نام ہے، بنی حرام قبیلہ کی ایک انصاری صحابیہ تھیں جنہوں آپ ﷺ کے ہاتھ پر بیعت بھی کی تھی،ان کا پورا نام : عصمہ بنت حیان بن صخر بن خنساء انصاریہ ہے، اس نام کے معنی ہیں :خداداد ملکہ ، پاک دامنی۔ یہ دونوں نام رکھنا درست ہے۔
أسد الغابة ط العلمية (7/ 194):
"عصمة بنت حبان بن صخر بن خنساء الأنصارية ثم من بني حرام، بايعت النبي صلى الله عليه وسلم قاله ابن حبيب".فقط واللہ اعلم
فتوی نمبر : 144105200717
دارالافتاء : جامعہ علوم اسلامیہ علامہ محمد یوسف بنوری ٹاؤن