سوال

ناک کی نرم ہڈی کہاں سےشروع ہوتی ہے؟ اورغسل جنابت میں کہاں تک پانی پہنچانافرض ہے؟

جواب

فقہاء نے اپنی کتبِ فقہ میں صراحت فرمائی ہے کہ غسلِ جنابت میں استنشاق فرض ہے اور استنشاق سانس کے ذریعہ پانی کھینچنے اور اس کو  ناک کی نرم ہڈی تک  پہنچانے کو کہتے ہیں، ناک کی نرم ہڈی نتھنوں میں داخلی دونوں حصوں کے درمیان میں ہوتی ہے  جس   کو ہاتھ لگا کر معلوم کیا جا سکتا ہے اور غسل جنابت میں اسی نرم ہڈی تک پانی پہنچانا ضروری ہے۔

مجمع الأنهر في شرح ملتقى الأبحر (1/ 14):
"قال صاحب الإصلاح: اعلم أن المضمضة ليست غسل الفم، وكذا الاستنشاق ليس غسل الأنف بل هي عبارة عن إدارة الماء في الفم، وهو عبارة عن جذب الماء بالنفس نص على ذلك في فصل الجنائز صاحب غاية البيان". فقط واللہ اعلم