سوال

ایک خاتون نے لیکوریا کی بیماری کی وجہ سے احتیاطاً احرام کی حالت میں پورے وقت خوش بو والے لیڈیز پیڈ استعمال کیے، کیا اس خاتون پر اس وجہ سے دم واجب ہوگا یا نہیں؟

جواب

صورتِ مسئولہ میں ایسے خوش بودار سینٹری پیڈ ( جس کی بو کو عرفاً بھی خوش بو شمار کیا جاتا ہو) احرام کی نیت سے پہلے پہنے تھے تو اس صورت میں کسی قسم کا دم لازم نہ ہوگا، اسی طرح اگر اس کی بو عرفاً خوش بو  میں شمار نہ کی جاتی ہو، دوائی کی بو ہو تو اس صورت میں بھی دم لازم نہ ہوگا۔

البتہ اگر اس پیڈ میں واقعۃً خوش بو ہو، اور احرام کی نیت کے بعد پہنے ہوں تو ایسی صورت میں ایک دم ادا کرنا لازم ہوگا۔ فقط واللہ اعلم