سوال

 ہمارے  علاقے میں ایک مولوی صاحب کہہ رہے ہیں  کہ آیۃ  الکرسی  پڑھنا بہتر ہے  مگر فرض نماز کے فورًا بعد نہیں،  بلکہ سنت پڑھنے کے بعد پڑھنا افضل ہے؛ کیوں کہ فرض کے بعد پہلے سنت پڑھی  جائے!

جواب

فرض نماز کے بعد  سنت پڑھنے میں زیادہ تاخیر نہیں کرنی  چاہیے، البتہ فرض اور سنت نماز کے درمیان ایک  آدھ مسنون ذکر اور دعا کرنے کی گنجائش ہے ، اس  لیے فرض نماز پڑھنے کے فورًا بعد   سنت  سے  پہلے بھی اگر آیت الکرسی پڑھی جائے تو اس سے بہت زیادہ تاخیر لازم نہیں آتی، اس  لیے آیت الکرسی فرض نماز کے بعد پڑھنا ہی زیادہ افضل ہے، البتہ اگر کوئی سنت کے بعد پڑھنا چاہے تو بھی کوئی حرج نہیں ہے۔

مزید دیکھیے:

فرض نماز کے بعد اذکار و اوراد کا اہتمام سنتوں کے بعد کیا جائے یا پہلے؟

فرض نماز کے بعد سنتوں سے پہلے اذکار

فقط واللہ اعلم