سوال

میرا بیٹا 20 اکتوبر کو پیدا ہوا ہے، میں نے اپنے بیٹے کا نام محمدZohan (زوہان/ زوحان)احمد رکھا ہے، مجھے اس نام کا مطلب بتادیں اور یہ بھی بتادیں کہ یہ نام رکھنا صحیح ہے یا نہیں؟ 

جواب

"زوہان"('ہ' کے ساتھ) کا معنی باوجود تلاش کے لغت کی کتابوں میں نہیں مل سکا، البتہ "زَوْحَان" ('ح' کے ساتھ) عربی زبان کا لفظ ہے، اس کے معنی ہیں: ہٹنا، الگ ہونا۔ (القاموس الوحید)۔   لہٰذا Zohan (زوہان/ زوحان) نام رکھنے کے بجائے کسی اچھے معنی والا نام رکھنا چاہیے، بہتر یہ ہے کہ    انبیاء علیہم السلام، صحابہ کرام رضی اللہ عنہم کے ناموں پر نام رکھا جائے، آپ اگر اپنے بیٹے کا نام صرف محمد احمد رکھ دیں تو یہ نام بھی درست بلکہ باعث برکت ہے۔

الفتاوى الهندية میں ہے:

"وفي الفتاوى التسمية باسم لم يذكره الله تعالى في عباده ولا ذكره رسول الله صلى الله عليه وسلم و لا استعمله المسلمون تكلموا فيه والأولى أن لايفعل، كذا في المحيط."

(کتاب الکراہیۃ باب ثانی و عشرون ج نمبر ۵ ص نمبر ۳۶۲،ایچ ایم سعید)

فقط واللہ اعلم