سوال

 گزارش ہے کہ میں نے یہ قسم کھائی تھی کہ جب بھی میں جھوٹ بولوں تو اس کے بدلے میں دس دن روزہ رکھوں گا اور ایک ہزار روپے جرمانہ بھی ادا کروں گا،لیکن اب میرے لیے بہت زیادہ مشکل ہوگیا ہے، کیو ں کہ انسان خطاؤں کا پتلا ہے، خلاصہ یہ ہے کہ اب اگر میں نے جھوٹ بولا تو مجھ پر ایک بار یہ چیزیں لازم ہوں گی یا بار بار ؟کیوں کہ میں نے تو زندگی بھر کی نیت کی تھی، اب میں بہت زیادہ پریشان ہو ں،آ پ حضرات میری راہ نمائی فرمائیں۔

جواب

آپ نےچوں کہ زندگی بھر جھوٹ نہ بولنے کی قسم کھائی ہے،لہٰذا جب بھی اور جتنی دفعہ آپ جھوٹ بولیں گےہر دفعہ دس دن روزے اور ایک ہزار روپے لازم ہوں گے۔

نیز واضح رہے کہ جھوٹ بولنا سخت گناہ ہے،جھوٹ بولنااور نہ بولنا انسان کے اختیار میں ہے،لہٰذاآپ کو چاہیے کہ اس گناہ سےاجتناب کریں۔

 نبی کریم صلی اللہ علیہ وسلم نے جھوٹ کو فسق و فجور اور گناہ کی طرف لے جانے والی چیز بیان کیا ہے۔

حدیث کے الفاظ درج ذیل ہیں:

"....وإن الكذب ‌يهدي ‌إلى ‌الفجور، وإن الفجور يهدي إلى النار، وإن الرجل ليكذب، حتى يكتب عند الله كذابا".(صحيح البخاري)

ترجمہ: "۔۔۔ یقیناً جھوٹ برائی کی راہ نمائی کرتا ہے اور برائی جہنم میں لے جاتی ہے اور آدمی جھوٹ بولتا رہتا ہے، تا آں کہ اللہ کے یہاں "کذّاب" (بہت زیادہ جھوٹ بولنے والا) لکھا جاتا ہے۔"

حدیث شریف میں ہے کہ جب بندہ جھوٹ بولتا ہے، تورحمت کے فرشتے اس سے ایک میل دور ہوجاتے ہیں:

"«إذا كذب العبد تباعد عنه الملك ميلا» ‌من ‌نتن ‌ما جاء به".(سننِ ترمذی)
ترجمہ: "جب آدمی جھوٹ بولتا ہے تو اس سے جو بدبو آتی ہے اس کی وجہ سے فرشتہ اس سے ایک میل دور ہوجاتا ہے۔"

فتاویٰ عالمگیری میں ہے:

"إذا نذر أن يصوم كل خميس يأتي عليه فأفطر خميسا واحدا فعليه قضاؤه كذا في المحيط."

‌‌‌‌(كتاب الصوم،الباب السادس في النذر،ج:1،ص:209،ط:رشيديه)

و فیہ ایضاً:

"ألفاظ الشرط إن وإذا وإذما وكل وكلما ومتى ومتى ما ففي هذه الألفاظ إذا وجد الشرط انحلت اليمين وانتهت لأنها تقتضي العموم والتكرار فبوجود الفعل مرة تم الشرط وانحلت اليمين فلا يتحقق الحنث بعده إلا في كلما لأنها توجب عموم الأفعال فإذا كان الجزاء الطلاق والشرط بكلمة كلما يتكرر الطلاق بتكرار الحنث حتى يستوفي طلاق الملك الذي حلف عليه فإن تزوجها بعد زوج آخر وتكرر الشرط لم يحنث عندنا، كذا في الكافي."

(‌‌كتاب الطلاق،الفصل الأول في ألفاظ الشرط،ج:1،ص:415،ط:رشیدیه)

ہدایہ میں ہے:

" ومن ‌نذر نذرا مطلقا فعليه الوفاء " لقوله عليه الصلاة والسلام: " من ‌نذر وسمى فعليه الوفاء بما سمى " " وإن علق النذر بشرط فوجد الشرط فعليه الوفاء بنفس النذر " لإطلاق الحديث ولأن المعلق بشرط كالمنجز عنده " وعن أبي حنيفة رحمه الله أنه رجع عنه وقال إذا قال إن فعلت كذا فعلي حجة أو صوم سنة أو صدقة ما أملكه أجزأه من ذلك كفارة يمين وهو قول محمد رحمه الله "

(‌‌‌‌كتاب الأيمان،فصل في الكفارة،ج:2،ص:321،ط:دار احياء التراث العربي - بيروت)

انوار البیان فی حل لغات القرآن میں ہے:

"كلما۔جب کبھی ۔کلمہ شرط ہے،یہ لفظ مرکب ہے کل اور  ما سے۔۔۔۔۔جیسے آیت ہذا میںكلما دعوتهم ،جب بھی میں نے ان کو بلایا۔"

(سورۃ البقرۃ ،ج:1،ص:27،ط:مکتبہ سید احمد شہیدلاہور)

فقط والله اعلم