ذکری دکان دار سے سامان لینا جائزہے یانہیں؟
اگر کسی غیر مسلم سے تجارتی معاملات دیگر شرعی احکامات کو مدنظر رکھ کر کیے جائیں تو جائز ہیں، لہذا ذکری فرقے سے تعلق رکھنے والے شخص کی دکان سے سامان کی خریداری درست ہے۔ یہ یاد رہے کہ ذکری فرقہ اپنے باطل عقائد کی بنا پر دینِ اسلام سے خارج ہے، اوراس کے ماننے والے مسلمان نہیں ہیں ؛ لہذا ان سے دلی دوستی رکھنا، نکاح کرنا ناجائز ہے، اور ان کا ذبیحہ حرام ہے۔
ذکری فرقہ کے بارے میں تفصیل کے لیے کتاب: ” کیا ذکری مسلمان ہیں “ (ناشر: مکتبہ بینات) کا مطالعہ کیجیے۔ فقط واللہ اعلم
فتوی نمبر : 144108200883
دارالافتاء : جامعہ علوم اسلامیہ علامہ محمد یوسف بنوری ٹاؤن