سوال

  میں نماز پڑھ رہا تھا التحيات میں بنا ارادہ بنا نیت کے غلطی سے  ’’السلام عليك ايها النبي‘‘  کی جگہ’’السام علیك‘‘ نکل گیاغلطی  سے،  پھر  میں نےصحیح کرکے پڑھ  لیا۔کیایہ کُفرِیہ لفظ تھا ؟

جواب

صورتِ  مسئولہ  میں اگر بغیر قصد  و ارادہ کے  التحیات  پڑھنے کے دوران  ’’السلام عليك ايها النبي‘‘ کی جگہ   ’’السام علیك‘‘ زبان سےنکل گیااورپھرفوراً اس کی تصحیح کرلی ،تواس سے پڑھنے والادائرۂ  اسلام سے خارج نہیں ہوا، تاہم نمازکوتوجہ  اور دھیان سےپڑھنے کااهتمام  کرنا چاہیے؛ تاکہ آئندہ اس قسم کی غلطی سے محفوظ رہا جاسکے۔

فتاوی شامی میں ہے:

"و من تکلم بها مخطئاً أو مكرها لايكفرعند الكل."

(کتاب الحدود،باب المرتد،224/4،ط: ایچ ایم سعید)

فقط واللہ اعلم