سوال

ایک آدمی کے پاس ایک ضرورت کا مکان ہے اور ایک ضرورت سے زائد کرایہ پر دیا ہوا مکان ہے تو کیا اس پر قربانی واجب ہوگی؟ واجب ہونے کی صورت میں اس کے پاس فی الحال اتنی رقم موجود نہیں ہے کہ قربانی کا جانور خرید سکے تووہ کیا کرے؟

جواب

جس شخص کے پاس بنیادی ضرورت اور استعمال سے زائد اتنا مال یا سامان موجود ہو جس کی مالیت ساڑھے باون تولہ چاندی کی مالیت کے برابر یا اس سے زیادہ ہو تو اس شخص پر قربانی واجب ہوتی ہے، لہذا صورتِ مسئولہ میں جو گھر اضافی ہے اور اس کی قیمت کسی نصاب تک پہنچ رہی ہے تو  اس کی وجہ سے قربانی واجب ہوگی، اس لیے کسی سے قرض وغیرہ لے کر قربانی کا فریضہ اداکریں۔کرایہ دار سے پیشگی کرایہ لے کر قربانی کرسکتے ہیں۔

فتاوی شامی میں ہے:

"قوله واليسار إلخ) بأن ملك مائتي درهم أو عرضا يساويها غير مسكنه وثياب اللبس أو متاع يحتاجه إلى أن يذبح الأضحية ولو له عقار يستغله فقيل تلزم لو قيمته نصابا، وقيل لو يدخل منه قوت سنة تلزم، وقيل قوت شهر، فمتى فضل نصاب تلزمه. ولو العقار وقفا، فإن وجب له في أيامها نصاب تلزم....."

(کتاب الأضحیة، ج: 6، ص: 312، ط: سعید)

فقط واللہ اعلم