سوال

اگر  زید نے کسی زمین پر قبضہ کرلیا تھا، جب کہ اس زمین کے مالک کو قیمت ادا نہیں کی تھی،  اس اثناء میں زید فوت ہو گیا تو کیا اب اس زمین میں وراثت جاری ہوگی ؟

جواب

صورتِ مسئولہ میں اگر زید نے زمین خرید کر اس کی رقم ادا نہیں کی تھی تو زید اس زمین کا مالک تھا، اس کے ذمہ جو قیمت واجب الادا تھی، میراث کی تقسیم سے پہلے اس کے ترکہ سے وہ قیمت ادا کی جائےاور یہ زمین اس کے ترکہ میں شمار ہوکر اس کے ورثاء میں شرعی حصوں کے اعتبار سے تقسیم ہوگی۔ تاہم اگر زید نے وہ زمین خریدی نہیں، بلکہ زمین غصب کرکےاس پر قبضہ کیا تھا تو یہ زمین کا قبضہ صاحبِ حق کو دینا لازم ہے، اسے میراث میں تقسیم نہیں کیا جائے گا۔

الدر المختار وحاشية ابن عابدين (رد المحتار) (6 / 760):

(ثم) تقدم (ديونه التي لها مطالب من جهة العباد)

فقط واللہ اعلم