سوال

میرے  پیر کی چھوٹی انگلی میں چوٹ لگی، اس سے خون  نکلا، میں نے اس کو  صاف کرکے  وضو کرکے اس پر  پٹی باندھ  لی، تھوڑی  دیر کے بعد پٹی پر معمولی خون ظاہر ہوا، تو کیا وضو ٹوٹ گیا؟

جواب

بصورتِ مسئولہ زخم پر پٹی باندھنے کے بعد جب خون کی تری باہر آکر پٹی پر ظاہر ہوگئی تو  اس سے وضو ٹوٹ جائےگا۔

فتاوی عالمگیری (الفتاوى الهندية ) میں ہے:

"ولو كانت جراحة فربطها فابتل ذلك الرباط إن نفذ البلل إلى الخارج نقض الوضوء وإلا فل."

(کتاب الطهارۃ، الباب الخامس فی المسح علی الخفین، الفصل الثاني في نواقض المسح، ج:1، ص:36، ط:مکتبہ رشیدیہ)

فقط واللہ اعلم