ہمارے علاقے میں ایک مسجد ہے جو حکومتِِ پاکستان کے زیر انتظام ہے، اس مسجد کی بجلی کا بل حکومت ادا کرتی آرہی ہے، لیکن سرکاری فنڈ کی قلت اور عدم دستیابی کی وجہ سے گزشتہ کئی مہینوں اور سالوں سے حکومت کی جانب سے بل کی ادائیگی نہیں ہو رہی، بلکہ گاہے بگاہے حکومت کی طرف سے تھوڑی بہت رقم جمع کرا دی جاتی ہے، جس کی وجہ سے لاکھوں روپے بل کی مد میں لازم ہو چکے ہیں اور مارچ 2024 کا بل تقریباً 5300000  روپے تھا، بل کی عدم ادائیگی کی وجہ سے اس مہینہ مارچ کی 11 تاریخ کو کے الیکٹرک والوں نے بجلی کی لائن منقطع کر دی تھی اور 12 دنوں تک مسجد کی بجلی منقطع رہی، جس کے بعد مسجد سے چندے کا اعلان ہوا، لیکن بہت کم رقم جمع ہوئی، تو ایسی مجبوری کی صورت میں کیا بجلی کے بل کی ادائیگی کے لیے یہ صورت اختیار کی جا سکتی ہے کہ کوئی غریب شخص کسی سے بجلی کا بل ادا کرنے کے لیے قرض لے لے اور اس رقم سے وہ شخص بجلی کا بل ادا کر دے بعد ازاں  اس مقروض کو زکوۃ کی رقم کا مالک بنا دیں اور وہ اس رقم سے اپنا قرض ادا کر دے؛ کیوں کہ زکوۃ کی رقم کے لیے تملیکِ فقیر لازم ہے، براہِ راست زکوۃ کی رقم سے بجلی کا بل ادا نہیں کیا جا سکتا، تو کیا شرعاً اوپر ذکر کردہ صورت اور طریقہ اختیار کر کے بجلی کے بل کا یہ مسئلہ حل کیا جا سکتا ہے؟