زکاة کی رقم سے تنخواہ دینا

زکاۃ کی مد سے تنخواہ دینا جائز نہیں، اور نہ ہی اس طرح تنخواہ دینے سے زکاۃ ادا ہوگی اگرچہ ملازم زکاۃ کا مستحق ہو۔

البتہ جو ملازمین زکاۃ کے مستحق ہوں انہیں اس صراحت کے ساتھ  زکاۃ دی جا سکتی ہے کہ تنخواہ بعد میں دی جائے گی، یہ تنخواہ کے علاوہ تعاون ہے۔  تنخواہ کے نام پر، یا مذکورہ بالا صراحت کے بغیر انہیں بھی زکاۃ دینے سے زکاۃ ادا نہ ہوگی۔

واضح رہے کہ زکاۃ دیتے وقت زکاۃ کی صراحت کرنا ضروری ہے، بلکہ تعاون یا ہدیہ وغیرہ کہہ کر بھی دی جاسکتی ہے، البتہ زکاۃ دینے والے کے دل میں زکاۃ کی نیت ہونا ضروری ہے۔  نیز یہ بھی یاد رہے کہ جو ملازمین زکاۃ کے مستحق نہیں ہیں انہیں زکاۃ کی مد سے تعاون یا ہدیہ کے نام سے دینا بھی جائز نہیں ہوگا۔ فقط واللہ اعلم