سوال

کورونا وائرس کی وجہ سے پیدا ہونے والی موجودہ صورتِ حال میں طبی آلات کی خریداری میں زکاۃ کی رقم کو استعمال کرنا کیساہے؟ صورتِ حال بہتر  ہوجانے پہ یہ آلات ہسپتالوں میں قابلِ استعمال رہیں گے،  جہاں مستحق افراد کا تو مفت علاج ہوگا جب کہ مخیر حضرات سے فیس لے کر علاج کیا جائے گا۔

جواب

واضح رہے کہ زکاۃ کی ادائیگی کے یے کسی مستحقِ زکاۃ کو اس رقم کا "مالک" بنانا ضروری ہے، جب کہ ہسپتال میں طبی آلات میں اس رقم کو خرچ کرنے سے اگرچہ مستحقینِ زکاۃ کا مفت میں اس سے علاج کرنا ممکن ہوجائے گا، لیکن چوں کہ ان کو مالک نہیں بنایا جارہا، اس لیے زکاۃ ادا نہیں ہوگی۔ فقط واللہ اعلم