ایک دوست نے کمیٹی ڈالی ہوئی تھی، اس نے کمیٹی لے لی، اس کی ابھی 5 قسطیں باقی ہیں جو جہاں کمیٹی ڈالی اس کو ادا کرنی ہیں، یہ جو قسط دینی ہے ان پیسوں کو زکات ادا کرنے میں شامل کرے گا کیا ؟
کمیٹی کی شرعی حیثیت قرضہ کی ہے، اس لیے جس شخص نےکمیٹی کے پیسہ وصول کر لیے ہوں تو کمیٹی کی باقی قسطیں ادا کرنا اس کے ذمے قرض ہیں، چنانچہ زکات کی ادائیگی کے وقت کمیٹی کی واجب الادا قسطوں کو منہا کرنے کے بعد بقیہ رقم اگر تنہا یا دیگر اموالِ زکات کے ساتھ ملاکر نصاب کے بقدر ہے تواس کی زکات ادا کی جائے گی۔ فقط واللہ اعلم
فتوی نمبر : 144109201729
دارالافتاء : جامعہ علوم اسلامیہ علامہ محمد یوسف بنوری ٹاؤن