ناف کے نیچے کے بال کہاں سے کاٹے جائیں؟ اگر کسی شخص کو ناف کے نیچے سے متصلا بال اگ آئے تو کیامتصلا ناف سے شروع ہونا چاہئے؟ کیا اس کی کوئی حد ہے؟
صورت مسئولہ میں زیر ناف بال کاٹنے کا مقصد یہ ہے کہ شرمگاہ کی نجاست بالوں پر نہ لگ جائے لہذا آگے اور پیچھے کی شرمگاہ کے ارد گرد اتنے بال کاٹ لیے جائیں کہ جن پر نجاست نہ لگتی ہو۔ اگر ناف کے متصل نیچے سے بھی کاٹ لیے جائیں تو یہ بھی جائز ہے۔
فتاوی شامی میں ہے:
"والعانة الشعر القريب من فرج الرجل والمرأة ومثلها شعر الدبر بل هو أولى بالإزالة لئلا يتعلق به شيء من الخارج عند الاستنجاء بالحجر."
(كتاب الحج، ج2، ص481، سعيد)
فتاوی ہندیہ میں ہے:
"ويبتدئ في حلق العانة من تحت السرة، ولو عالج بالنورة في العانة يجوز، كذا في الغرائب".
(اکتاب الکراهیة، الباب التاسع عشر في الختان والخصاء وحلق المرأة شعرها ووصلها شعر غيرها، ج5، ص358، رشيديه)
فقط والله أعلم
فتوی نمبر : 144407102175
دارالافتاء : جامعہ علوم اسلامیہ علامہ محمد یوسف بنوری ٹاؤن