سوال

بعض اوقات بندہ سنتیں ادا کر رہا ہوتا ہے، اتنے میں جماعت کھڑی ہو جاتی ہے اور بندہ سلام پھیرنے کے بعد چلتے چلتے نماز کی نیت کر سکتا ہے یا صف میں کھڑے ہو کر ہی نیت کرنی چاہیے؟

جواب

واضح رہے کہ نیت دل کے ارادہ کا نام ہے، زبان سے مخصوص الفاظ کے ساتھ نماز کی نیت کرنا نہ فرض ہے نہ واجب اور نہ ہی سنت، لہذا سنت سے فارغ ہوکر جماعت میں شامل ہونے کی نیت سے قدم اٹھانا  ہی نیت کے لیے کافی ہے، تکبیر کہنے سے پہلے صف میں کھڑے ہوکر زبان سے نیت کرنے کی شرعاً ضرورت نہیں، اور اگر کوئی کرلیتاہے تو اس میں حرج بھی نہیں ہے۔ فقط واللہ اعلم