سوال

 میرے پاس  اپنی چار  پالتو بلیاں ہیں، جن کا خرچہ میں خود  اٹھاتی ہوں، لیکن کیٹ فوڈ یعنی ان کا  کھانا مہنگا ہونے کی وجہ میرے لیے ان کو پالنا مشکل ہوتا جا رہا ہے ،تو میں یہ سوچ رہی تھی کہ ان کے لیے  یوٹیوب میں   ایک چینل بنا کر ان ہی کی  ویڈیو بناکر جس میں ہلکا پھلکا میوزک بھی ہوگا ، وہ وڈیو یوٹیوب میں   ڈال دوں، لہذا ان وڈیو سے  جو کچھ  آمدن وغیرہ ہو، کچھ حصہ میں خود اپنے پاس  رکھ لوں اور کچھ حصہ ان پر خرچ کر دوں ،تو کیا یہ  شرعاًصحیح رہے گا ؟

جواب

واضح رہے کہ شرعاً ہر قسم کی تصویر سازی  اور میوزک ناجائز  ہے، چاہے وہ کسی بھی شکل میں ہو، لہذا صورت  مسئولہ میں سائلہ کا بلیوں کی ویڈیو بنا نا اور ان میں میوزک وغیرہ شامل کرکے یوٹیوب میں ڈالنا ناجائز ہے، نیز اس صورت میں جو آمدن حاصل ہوگی، وہ بھی حلال نہیں ہوگی۔