سوال

میری   بیٹی کا نام تجویز فرمادیں،  جو بہتر ہو، وہ  2مہینے  کی ہوگئی ہے،  ہر وقت روتی رہتی ہے،  اس کا نام  "یشفع"  رکھا تھا!

جواب

 ’’یَشْفَعُ‘‘ فعل مضارع کا صیغہ ہے، اس کا معنی ہے "وہ سفارش کرتا ہے" اور یہ نام مناسب نہیں ہے۔ لہذا لڑکی کا یہ نام نہ رکھا جائے،البتہ اسی کو اسم فاعل کے صیغہ پر لاکر "شَافِعَه" يا " شَفِیْعَه" نام رکھ دیں تو درست ہوجائے گا۔  اِس کے معنی ہوں گے "سفارش کرنے والی"، اور نام کے سلسلے میں بہتر یہ ہے کہ ازواج مطہرات  یاصحابیات رضی اللہ عنہن کے ناموں میں کسی نام پر نام رکھاجائے۔

لسان العرب  ميں ہے:

"و شفع لي يشفع شفاعة و تشفع: طلب. والشفيع : الشافع، و الجمع شفعاء، و استشفع بفلان علي فلان، و تشفع له إليه، فشفعه فيه. و قال الفارسي: استشفعه طلب منه الشفاعة، أي قال له كن لي شافعا۔۔۔ و شافع و شفيع : اسمان، و بنو شافع من بني المطلب بن عبد مناف."

(باب الشین، 4/ 2289 ، ط: دار المعارف)

فقط واللہ اعلم