سوال

دبئ میں ایک مسلمان ڈرائیور نے ایکسیڈنٹ کیا جس کے نتیجے میں تین سکھ ہلاک ہوئے عدالت نے مسلمان کو بری کردیا اس وجہ سے کہ غلطی ان تین سکھوں ہی کی تھی. اب مسلمان شخص ان کے کفارہ کے متعلق پوچھتا ہے کہ ان کا کفارہ ان پر لازم ہے. یا نہیں؟ اگر ہے تو الگ الگ یا صرف ایک کفارہ کافی ہوگا؟

جواب

صورتِ مسئولہ میں جب مسلمان ڈرائیور کی کوئی غلطی نہیں تھی ، اور مسلمان ڈرائیور ٹریفک قوانین کی پابندی کرتےہوئے گاڑی چلارہاتھا اور تینوں مقتولین اپنی ہی غلطی کی بناءپر ایکسیڈنٹ میں مارے گئے تو اس صورت میں مسلمان ڈرائیور یا اس کے عاقلہ پر کسی قسم کا کفارہ اور دیت لازم نہیں ہے۔

فتاوی شامی میں ہے:

"(و) الخامس (قتل بسبب كحافر البئر وواضع حجر في غير ملكه) (قوله في غير ملكه) قيد للحفر والوضع درر، فلو في ملكه فلا تعدي فلا دية ولا كفارة."

 (كتاب الجنايات:6/ 531،ط:سعيد)

بحوث فی قضایا فقہیۃ معاصرۃ میں ہے:

"إذا كان السائق يسوق سيارته ملتزما ‌بجميع ‌قواعد المرور، ولكن دفع شخص رجلا آخر أمام سيارته فجأة بحيث لم يمكن له أن يوقف السيارة قبل أن تدهسه، فدهسته السيارة. فهنا لا يضمن السائق."

(‌‌قواعد ومسائل في حوادث المرور،ص:313،ط:دارالقلم)

فقط واللہ اعلم