سوال

وضو میں منہ دھونے سے کیا مراد ہے؟ کیا اس میں کلی کرنا اور ناک میں پانی ڈالنا بھی شامل ہے؟

جواب

وضو کے فرائض میں جب منہ دھونے کا ذکر ہو تو اس سے مراد منہ کا وہ حصہ ہوتا ہے جو پیشانی کے بالوں سے تھوڑی تک اور ایک کان کی لو سے دوسرے کان کی لو تک ہوتا ہے، اس میں ناک میں پانی ڈالنا اور کلی کرنا شامل نہیں۔  تاہم کلی کرنا اور ناک میں پانی ڈالنا وضو کی سنتوں میں شامل ہے؛  لہذا اس کا اہتمام کرنا چاہیے۔ فقط واللہ اعلم