سوال

حضرت والا میرا مسئلہ یہ ہے کہ وضواورغسل کرتے ہوئے مجھے پاؤں کے انگوٹھے کے ناخن کے نیچے پانی پہچانا بہت مشکل ہے کیونکہ کناروں سے ناخن بے جان ہوگیاہے اورسوکھ کر گوشت سے چپکاہواہےاوراکثرگوشت میں گھس جاتاہےاگر ناخن بہت گہرائی تک کاٹوں تودرد ہوتاہےاورکاٹنابھی بہت مشکل ہوتاہے، مزید یہ کہ گہرائی تک کاٹنےسے اگلی دفعہ پہلے سےزیادہ گہرائی تک کاٹنا پڑتاہے کیونکہ اب ناخن کا مزیدحصہ بے جان ہوتاہے۔

جواب

صورت مسئولہ میں ناخن کاجوحصہ گوشت میں پوست ہوچکا ہےاس کے اندرتک پانی پہنچانالازمی نہیں ہے، ناخن کواوپرسے گیلا کرلینے سے وضواورغسل ہوجائے گا، ہاں ناخن جوانگوٹھے سے آگےبڑھ گیا ہے اس کو کاٹا جائے۔ فقط واللہ اعلم