1: اگر صبح صادق کا وقت 5:40 تک ہو تو نماز تہجد اور وتر کس وقت تک پڑھے جا سکتے ہیں؟
2 : وتر کی نیت کا طریقہ بتا دیں۔
1 : صورتِ مسئولہ میں تہجد کی نماز اور وتر کی نماز کا وقت 5:40 سے پہلے تک ہے۔
مزید تفصیل یہاں ملاحظہ کریں : تہجد کا وقت کون سا ہے؟
2 : نیت صرف دل سے ارادہ کرلینے کا نام ہے، لہٰذا نیت کی صحت کے لیے زبان سے نیت کے الفاظ ادا کرنا لازم نہیں ہے، زبان سے نیت کا ادا کرنا بھی جائز ہے، بدعت نہیں ہے، اور جو شخص زبان سے الفاظِ نیت ادا کیے بغیر اپنے دل کو مستحضر کرنے پر قادر نہ ہو تو اس کے لیے زبانی نیت کرنا کافی ہے؛ بلکہ بہتر ہے۔ فرض، وتر ، سنت اور نفل سب کا یہ حکم ہے۔
صورتِ مسئولہ میں اتنی نیت کافی ہے کہ ”میں وتر کی نماز ادا کرتا ہوں“۔ فقط واللہ اعلم
فتوی نمبر : 144205200655
دارالافتاء : جامعہ علوم اسلامیہ علامہ محمد یوسف بنوری ٹاؤن