رمضان المبارك میں وتروں میں مقتدی دعاۓقنوت کیوں پڑھتے ہیں؛ حالانکہ وہ امام کی اقتدا میں ہوتے ہیں؟
وتر میں دعائے قنوت امام اورمقتدی دونوں پرپڑھنا واجب ہے، جیساکہ قعدے میں تشہد پڑھنا امام اور مقتدی دونوں پر واجب ہے۔ امام کی قراءت کے دوران خاموش رہنے کا حکم صحیح حدیث میں ہے، نیز قرآن شریف میں بھی قراءت کے دوران خاموش رہنے کا حکم ہے، اس لیے امام کی اقتدا میں صرف قراءت کرنا منع ہے، باقی تمام اَذکار مقتدی بھی پڑھے گا۔
فتاوی ہندیہ میں ہے:
"والقنوت واجب على الصحيح. كذا في الجوهرة النيرة إذا فرغ من القراءة في الركعة الثالثة كبر ورفع يديه حذاء أذنيه، ويقنت قبل الركوع في جميع السنة.......والمختار في القنوت الإخفاء في حق الإمام والقوم. هكذا في النهاية."
(الفتاوى الهندية،کتاب الصلاۃ،الباب الثامن فی صلاۃ الوتر،1/ 111،ط:دارالفکر)
فقط واللہ اعلم
فتوی نمبر : 144309101284
دارالافتاء : جامعہ علوم اسلامیہ علامہ محمد یوسف بنوری ٹاؤن