وتر میں سورۃالماعون کی آیت{فویل للمصلین} چھوڑ دی تو نماز ادا ہو گئی یا نہیں؟
اگر دو آیتوں کے درمیان میں ایک مکمل آیت بھولے سے چھوٹ جائے، اور اگلی اور پچھلی آیات سانس توڑ کر الگ الگ تلاوت کی گئی ہوں تو نماز فاسد نہیں ہوتی۔ لہذا سورۃ ماعون میں {ولايحض على طعام المسكين} پرسانس توڑا ہو اوراس کے بعد {فويل للمصلين} آیت چھوٹ گئی، تو اس سے نماز فاسد نہیں ہوگی۔
فتاوی شامی میں ہے:
"ولوزاد کلمةً أو نقص کلمةً أو نقص حرفًا أو قدّمه أو بدله بآخر ... لم تفسد مالم یتغیر المعنی". (شامی ج1 ص633) فقط و الله أعلم
فتوی نمبر : 144109201603
دارالافتاء : جامعہ علوم اسلامیہ علامہ محمد یوسف بنوری ٹاؤن