سوال

میرے شوہر کا انتقال ہو چکا ہے۔ ان کا پہلی بیوی سے ایک بیٹا بھی ہے جبکہ پہلی بیوی کو طلاق دے دی گئی تھی۔ میری کوئی اولاد نہیں۔ اب شوہر کی جائیداد میں سے تقسیم کس طرح ہو گی۔

جواب

سائلہ کے شوہرکے ترکہ میں سے سب پہلے قرض کی ادائیگی کی جائے گی اگر ان پر قرض ہو پھر ان کی وصیت کو ایک تہائی مال سے پورا کیا جائے گا اگر انہوں نے کوئی جائز وصیت کی ہو اس کے بعد جو مال بچے گا اس میں سے بیوی کو آٹھواں حصہ دیا جائے گا اور باقی تمام مال میت کے بیٹے کا ہوگا جبکہ میت کی مطلقہ بیوی کی عدت اگر پوری ہوچکی ہے تو ان کو میراث سے حصہ نہیں دیا جائے گا ۔فقط واللہ اعلم