کیا کمپیوٹر ونڈو بغیر خریدے استعمال کرسکتے ہیں؟
ذاتی استعمال کی حد تک سافٹ وئیر کے "کاپی رائٹ" کے قوانین کا شرعاًاعتبار نہیں ہے ، اگر کسی نے کوئی بھی" سافٹ ویئر" نیٹ پر مفت میں (بلامعاوضہ) ڈالا ہے یا کسی ایک شخص نے خرید کر دوسروں کے درمیان تقسیم کر لیا تو شرعًا اس میں کوئی حرج نہیں ہے، لہذا سوال میں "كمپوٹر وینڈو" کو بغیر خرید کے انسٹال کرنا اور استعمال کرنا شرعاً جائز ہے۔باقی قانوناً اگر منع ہے تو اجتناب کرنا بہتر ہے۔
فتاوی شامی میں ہے:
"وفي الأشباه: لايجوز الاعتياض عن الحقوق المجردة كحق الشفعة."
( كتاب البيوع، مطلب في بيع الجامكية ۴/ ۵۱۸ ط: سعيد)
فقط واللہ اعلم
فتوی نمبر : 144310101501
دارالافتاء : جامعہ علوم اسلامیہ علامہ محمد یوسف بنوری ٹاؤن