میرا موبائل فون اور اس کی ایسیسریز کا کام ہے، ہول سیل اور ریٹیل، دونوں کرتے ہیں۔ زکات کس ریٹ پر ادا کرنی ہوگی؟ جس پر مال خریدا یا جس پر بیچنا ہے؟ بیچنا ہے تو ہول سیل ریٹ پر یا ریٹیل ریٹ پر؟
سامانِ تجارت کی اُس قیمت پر زکات آتی ہے جس ریٹ پر یہ عام طور پر فروخت ہوتی ہے،لہذا اگر آپ ہول سیل اور ریٹیل، دونوں ریٹوں پر ہی برابر کام کرتے ہیں تو ن دونوں ریٹوں کا اوسط نکال لیں۔ ورنہ جس ریٹ پر بیچتے ہیں اس کے مطابق حساب کرلیجیے۔
"وکذلك زکاة مال التجارة یجب بالقیمة والکلام فیه في فصول أحدها أن الزکاة تجب في عروض التجارة إذاحال الحول عندنا…" ( المبسوط : ۲۵۵ / ۲ )
فقط واللہ اعلم
فتوی نمبر : 144209201997
دارالافتاء : جامعہ علوم اسلامیہ علامہ محمد یوسف بنوری ٹاؤن