سوال

ویل مچھلی کھانا جائز ہے؟

جواب

وہیل (Whale) بھی مچھلی  کی انواع میں شامل ہے،بعض لوگوں نے اس کا نام ”عنبر“ لکھا ہے، اور مچھلی کی تمام اقسام   حلال ہیں، تو وہیل مچھلی بھی حلال ہے؛ بلکہ ”عنبر“ مچھلی  کے بارے میں تو حدیث میں یہ بھی آیا کہ اللہ کے رسول صلی اللہ علیہ وسلم نے بھی اس کا گوشت تناول فرمایاہے۔(ماخوذ از کفایت المفتی،کتاب الحظر والاباحۃ،ج9،ص134،ط؛دار الاشاعت)

فتاوی ہندیہ میں ہے:

"الحيوان في الأصل نوعان نوع يعيش في البحر ونوع يعيش في البر، أما الذي يعيش في البحر فجميع ما في البحر من الحيوان يحرم أكله إلا السمك خاصة فإنه يحل أكله إلا ما طفا منه."

(کتاب الذبائح،الباب الثاني في بيان ما يؤكل من الحيوان وما لا يؤكل،ج5،ص289،ط؛دار الفکر)

فقط واللہ اعلم