سوال

وہم کی بیماری لگ گئی ہے، یہ چیز حلال ہے یا حرام ہے؟ اور اگر خود سے ختم کرنے کی کوشش کروں تو بہت خوف و ڈر محسوس ہوتا ہے۔کوئی دعا یا وظیفہ بتائیں!

جواب

  واضح ہو کہ وہم  میں عموماً شیطانی اثرات شامل ہو تے ہیں؛ تاکہ مؤمن آدمی تسلی سے پاکی اور عبادت وغیرہ ادا نہ کر سکے، وہم سے پریشان نہیں ہونا چاہیے، اس کا سب سے کار گر علاج یہی ہے کہ اس کی طرف بالکل  توجہ نہ دی جائے۔حلال حرام کے مسائل   میں اپنا ذہن الجھانے کے بجائے  علماء کرام  سے رجوع کرلیا کریں ۔

نیز وہم کے موقع پر ان دعاؤں کا اہتمام کریں:

1...أَعُوْذُ بِاللّٰهِ مِنَ الشَّیْطٰنِ الرَّجِیْمِ

2...اَللّٰهُمَّ إِنِّيْ أَعُوْذُبِكَ مِنْ  هَمَزَاتِ الشَّیَاطِیْنِ وَأَعُوْذُبِكَ رَبِّ مِنْ أَنْ یَّحْضُرُوْنَ.

3...  اَللّٰهُمَّ اجْعَلْ وَسَاوِسَ قَلْبِيْ خَشْیَتَكَ وَ ذِكركَ وَاجْعَلْ هِمَّتِيْ وَ هَوَايَ فِیْمَا تُحِبُّ وَ تَرْضٰى." 

یعنی  اے اللہ! میرے دل کے وساوس کو اپنے خوف اور ذکر سے بدل دیجیے، اور میرے غم اور خواہشات کو ان اعمال میں بدل دیجیے  جن میں آپ کی محبت اور رضا ہو۔

  فقط واللہ اعلم