سوال

 زمین ڈاٹ کام اور او ایل ایکس ایپلیکیشن میں اشتہار   دینے کے لیےکبھی کبھار پیسے دینے پڑتے ہیں ۔ورنہ وہ اشتہار شائع نہیں کرتے ۔ کیا اشتہار کی مد میں یہ پیسے دینا جائز ہے؟

جواب

اگر آپ کسی ویب سائٹ پر اپنے کسی پروڈکٹ یا کمپنی کا اشتہار دیتے ہیں اور ویب سائٹ والے آپ سے اس کی فیس وصول کرتے ہیں تو اس فیس کی ادائیگی میں  تو شرعاً کچھ حرج نہیں، لیکن اس بات کی طرف توجہ رہے کہ وہ  اشتہار ایسے مواد پر مشتمل نہ ہو جو مواد غیر شرعی ہو،  غیر شرعی سے مراد جان دار کی تصویر اور میوزک وغیرہ۔  اگر کوئی اشتہار ان اشیاء پر مشتمل ہو گا تو تصویر  و میوزک کے لگانے اور اس کی تشہیر کا گناہ ہو گا۔ فقط واللہ اعلم