سوال

بچوں کی پیدائش اور دودھ پلانے کے وقت جو روزہ نہیں رکھ سکے، اس کا کیا حکم ہے؟

صرف قضا یا پھر کفارہ یا قضاو کفارہ دونوں لازم ہوں گے،اگر کفارہ ہے تو ایک روزہ کا کتنا ہوگا، ڈالر کے قیمت کے حساب سے بتائیے گا۔

جواب

صورتِ مسئولہ میں اگر کسی عورت نے بچے کی پیدائش کی وجہ سے روزہ نہیں رکھا یا اس وجہ سے روزہ نہ رکھ سکی کہ روزہ رکھنے کی وجہ سے دودھ میں کمی ہوجائے گی تو اس صورت میں روزہ نہ رکھنے کی وجہ سے  ان روزوں کی صرف قضا لازم ہوگی، کفارہ نہیں ہوگا۔

فتاوی ہندیہ میں ہے:

"(ومنها ‌حبل ‌المرأة، وإرضاعها) الحامل والمرضع إذا خافتا على أنفسهما أو، ولدهما أفطرتا وقضتا، ولا كفارة عليهما كذا في الخلاصة"

(کتاب الصوم ، الباب الخامس فی الاعذارالتی تبیح الافطار، ج:1، ص:207، ط:سعید)

فقط واللہ اعلم