سوال

واٹس ایپ پر اسٹیٹس لگانا کیسا ہے؟ جائز ہے کہ نہیں؟ میں اسلامی لگاتا ہوں، کبھی کبھار دوستوں کی تصویر اپنی تصویر بھی لگا لیتا ہوں!

جواب

اگر واٹس ایپ پر کسی جان دار کی تصویر  یا ویڈیو کا سٹیٹس نہ لگایا جائے  اور  نہ ہی کسی قسم کی موسیقی  لگائی جائے ، نیز اسٹیٹس کا مضمون غیر اسلامی نہ ہو، (یعنی اس میں شریعت کے احکام کے خلاف کوئی بات نہ ہو) تو سٹیٹس لگانا یا اس کے ذریعے سے کوئی پیغام دینا جائز ہے۔ البتہ بلا ضرورت  اسٹیٹس لگانا اپنا اور دوسروں کا وقت ضائع کرنا ہے۔ لہٰذا آپ کا واٹس ایپ اسٹیٹس پر اپنی یا دوستوں کی تصویر لگانا جائز نہیں ہے، اس پر استغفار کیجیے، اور آئندہ اس سے اجتناب کیجیے۔ فقط واللہ اعلم