سوال

واش رومز کی پختہ لنٹر چھت پر مسجد تعمیر کرنا کیسا ہے؟

جواب

شرعی مسجد تحت الثری (زمین کی تہہ) سے اوپر آسمان تک  قیامت تک کے لیے مسجد رہتی ہے، اس لیے جس زمین پر واش رومز (بیت الخلا) بنے ہوئے ہوں، ان کی چھت پر مصلیٰ یا عارضی مسجد تو بنائی جاسکتی ہے، شرعی مسجد تعمیر نہیں کی جاسکتی ہے، ہاں مسجد کے واش رومز (بیت الخلا)  کی چھت کو مسجد کی توسیع میں شامل کیا جاسکتا ہے، لیکن اس صورت میں بھی یہ مسجد مسجدِ شرعی نہیں کہلائےگی ۔

’’ البحر الرائق  میں ہے:

"حاصله: أن شرط كونه مسجداً أن يكون سفله وعلوه مسجداً؛ لينقطع حق العبد عنه؛ لقوله تعالى: {وأن المساجد لله} [الجن: 18] ‘‘

فقط واللہ اعلم