میرے والد صاحب کا انتقال ہوگیا ہے، اب ان کے انشورنس کا پیسہ ہمارے لیے حلال ہوگا یا نہیں؟
انشورنس کی ملنے والی رقم میں سے جو رقم آپ کے مرحوم والد نے جمع کروائی تھی اس کا استعمال تو آپ لوگوں کے لیے حلال ہے، البتہ اس پر جو اضافی رقم انشورنس کمپنی والوں کی طرف سے ملتی ہے وہ حلال نہیں ہے، اس کے بارے میں حکم یہ ہے کہ ثواب کی نیت کے بغیر کسی مستحقِ زکاۃ کو صدقہ کردی جائے۔ فقط واللہ اعلم
فتوی نمبر : 144202201455
دارالافتاء : جامعہ علوم اسلامیہ علامہ محمد یوسف بنوری ٹاؤن