سوال

میرے بھائی کا میری والدہ  کے انتقال سے تین ماہ پہلے انتقال ہوگیا تھا،اب بھائی کے بچے میری ماں کی جائیداد میں سے حصہ مانگ رہے ہیں،کیا شریعت میں ان کا حصہ بنتا ہے؟واضح رہے کہ ماں کا میں اور بھائی دو ہی وارث تھے۔

جواب

واضح رہے کہ وارث بننے کے لیے مورث (انتقال کرنے والے) کی موت کے وقت زندہ ہونا شرط ہے،لہذا صورتِ مسئولہ میں اگر واقعۃً آپ کےبھائی کا انتقال والدہ  کی زندگی میں ہوچکا تھا، تو وہ   شرعاً والدہ مرحومہ کے وارث شمار نہیں ہو گا،اسی طرح  آپ کے بھائی کی اولاد کا بھی آپ کی موجودگی میں آپ کی والدہ کی جائیداد میں کوئی حصہ نہیں ہوگا۔

 والدہ کے انتقال کے وقت   اگرآپ کے علاوہ کوئی اور وارث زندہ نہیں تھا ،تب والدہ کی ساری جائیداد کے اکیلے  آپ حقدار ہیں،تاہم اگر بھتیجے ضرورت مند ہوں تو  صلہ رحمی کرتے ہوئےاپنے بھتیجوں کو بھی جائیداد میں سے کچھ حصہ دے سکتے ہیں،اس پر آپ اجر وثواب کے مستحق ہوں گے۔