سوال

 عمرہ کا طواف اور سعی کرلی لیکن اس کے بعد محرِم نے حلق نہ کرایا  اور حالت احرام میں ہی نفلی طواف کرلیا  (کہ صرف نفلی طواف کے لیے واپس مطاف میں آنا مشکل ہوگا ) اور بعد میں حلق کرالیا،  تو کیا ایسا کرنا جائز ہے؟

جواب

صورتِ مسئولہ میں عمرے کا  طواف اور سعی کرنے کے بعد حلق کے لئے  وقت کی کوئی تحدید نہیں ہے اس لئے  حلق کرانے سے قبل نفلی طواف کرنا بعد ازاں حلق کروانا جائز ہے، اس میں کوئی حرج نہیں ہے۔

فتاویٰ تاتارخانیہ میں ہے:

"و في حق المعتمر لا يختص بالزمان و المكان بلا خلاف، و في الهداية: و التقصير و الحلق في العمرة غير موقت بالزمان بالاجماع، فان لم يقصر حتى رجع و قصر فلا شيئ  عليه في قولهم جميعا."

(كتاب الحج، الفصل الرابع عشر: الحلق و القصر، ج:3، ص:645، ط:مکتبہ رشیدیہ)

فقط واللہ اعلم