سوال

ام ہانیہ نام کا مطلب کیا ہے؟

جواب

"ہانیہ" عربی زبان کالفظ ہے، اس کامعنی ہے: پُرمسرت، خوش دلی، خوش حالی۔

اور "ام" عربی زبان میں والدہ کو کہتے ہیں۔ "ام ہانیہ" کا معنی ہے: "ہانیہ" کی والدہ؛ لہذا اگر بچی کانام رکھاجائے تو صرف "ہانیہ" رکھنا چاہیے۔

البتہ  "ام ہانی"   کنیت  ہے، نام نہیں،  چوں کہ  امیر المؤمنین حضرت علی کرم اللہ وجہہ  کی ہم شیرہ  کی کنیت ’’ام ہانی‘‘  تھی؛  لہذا ان کی نسبت سے اسے بطور نام رکھنا چاہیں  تو اس کی بھی گنجائش ہے،  جیسا کہ بچے کا نام ابوبکر اور ابوہریرہ رکھنا جائز ہے۔ فقط واللہ اعلم