سوال

عمرصدیق نام رکھنا کیسا ہے؟

جواب

’’عمر  ‘‘ جلیل القدر صحابی، خلیفہ ثانی حضرت عمر فاروق رضی اللہ تعالیٰ کا نام ہے، اگر عمر نام رکھنا ہو تو صرف عمر یا محمد عمر نام رکھ لیا جائے۔

اور  ’’صدیق‘‘ کا معنیٰ ہے: انتہائی سچا، ہمیشہ تصدیق کرنے والا، اپنے قول سے عمل کی تصدیق کرنے والا، قول وفعل کا پکا، یہ حضرت ابو بکر رضی اللہ عنہ کا لقب بھی ہے، اس لیے صرف صدیق یا محمد صدیق  نام رکھنا بھی درست اور باعثِ برکت ہے۔

عمر نام کے ساتھ صدیق کا وصف نہ لگانا مناسب ہوگا؛ اِس لیے کہ صدیق لقب ہے حضرت ابو بکر رضی اللہ عنہ کا  اور عمر صدیق نام رکھنے میں یہ شبہ ہوتا ہے کہ صدیق وصف ہے حضرت عمر رضی اللہ عنہ کا، جب کہ حضرت عمر رضی اللہ عنہ کا لقب فاروق ہے۔

فقط واللہ اعلم