سوال

ہمارے پاس انکوبیٹر (یعنی چوزے نکالنے کی مشین ہے)، اگر ہم کسی سے انڈے لے کر  اس میں سے چوزے نکال کر اس کو دے دیں اور وہ ہمیں ہر انڈے کے رکھنے کا کرایہ ادا کرے اور جتنے چوزے نکلیں گے وہ اس ہی کے ہوں گے، کیا یہ جائز ہے یا نہیں؟

جواب

انڈوں کو مشین میں رکھ کر چوزے نکالنا جائز ہے، نیز کسی سے انڈے لے کر  ان میں سے مشین کے ذریعے چوزے نکال کر دینا اور اپنی مشین استعمال کرنے کا کرایہ لینا بھی جائز ہے۔

الہدایۃ شرح البدایۃ میں ہے:

"الإجارة عقد على المنافع بعوض لأن الإجارة في اللغة بيع المنافع."

(كتاب الإجارة، ج:3، ص:231، ط:المكتبة الإسلامية)

فقط والله اعلم